thus古英语

这个，我不知你有没有意识到古英语有多古老~~这首十五世纪的也许能满足你的需求，但这是中古英语，还不是古英语。古英语真是没招了。Thys endris nyȝthI saw a syȝth, A stare as bryȝt as day;And ever amongA mayden song Lullay, by by, lullay.This lovely lady sat and song, and to hyr chyld sayd,My sone, my broder, my fader der, why lyest thou thus in haynd My swete byrd, Thus it ys betyde, Thow thou be kynd veray; But nevertheles I wyl not ses To syng, by by, lyllay.The chyld than spak in histalkyng, and to hys moder sayd,I bekydde am kyng in crybbe thar I be layd. For aungeiles bryȝt Done to my lyȝt Thou knowest it ys no nay; And of that syȝt Thou mayst be lyȝt To syng, by by, lullay.Now, swet son, syn thou art kyng, why art thou layd in stall?Why ne thou ordende thi beddyng in sum gret kynges hall? Me thynkyth it is ryȝt, That kyng or knyght Shuld ly in good aray; And than among It wer no wrong To syng, by by, lullay.Mary moder, I am thi chyld, thow I be layd in stall,Lordes and dukes shal worsshyp me and so shall kynges all. ȝe shall well se That kynges thre Shall come the xij. day, For this behest ȝefe me thi brest, And syng, by by, lullay.Now tell me, swet son, I the pray, thou art me leve and dere,How shuld I kepe the to thy pay and mak the glad of chere. For all thi wyll I wold fullfyll Thou wetyste full well in fay, And for all thys, I wyll the kys, And syng, by by, lullay.My der moder, whan tym it be, thou take me up on loft,And set me upon thi kne, and handyll me full soft. And in thi arme Thou hyl me warme, And kepe nyȝt and day; If I wepe, And may not slepe, Thou syng, by by, lullay.Now, swet son, syn it is so, that all thyng is at thi wyll,I pray the graunte me a bone, yfit be both ryȝt and skyll. That chyld or man That wyl or kan Be mery upon my day, To blyss hem bryng, And I shal syng, Lullay, by by, lullay.